Koronavırýstyń úndi nusqasy Ýhanda tabylǵan alǵashqy shtamǵa qaraǵanda eki ese juqpaly. Bul týraly Dúnıejúzilik densaýlyq saqtaý uıymynyń bas ǵylymı qyzmetkeri Sýmıa Svamınatan málimdedi, dep habarlaıdy Egemen.kz.
Svamınatannyń aıtýynsha, taralý jyldamdyǵyn eskerse, koronavırýstyń «delta» nusqasy álemdegi basym shtamǵa aınalýy múmkin.
«Jaqsy jańalyq, qazirgi ýaqytta álemde qoldanylyp júrgen vaksınanyń kópshiligi eń bolmaǵanda, aýyr syrqattaný jaǵdaıynyń aldyn alýda tıimdi kórinedi», dedi Svamınatan.
DDSU málimeti boıynsha, «delta» shtamy álemniń 92 elinde tirkelgen.
Buǵan deıin Qazaqstanda da tabyldy degen qaýip anyqtalǵany habarlanǵan bolatyn. Nur-Sultanda úndi shtamy pasıentterdiń 56 paıyzynda aldyn ala rastalǵan. VAK karantın shekteýlerin kúsheıtý týraly sheshim shyǵardy.