Elimizde koronavırýsqa qarsy vaksınanyń tolyq dozasyn 1,8 mln adam aldy, dep habarlaıdy Egemen.kz.
2021 jylǵy 26 maýsymdaǵy málimet boıynsha, elimizde I komponentpen 3 081 548 adam vaksına saldyrdy, II komponentpen 1 869 481 adam egildi.
Koronavırýs vaksınasynyń tolyq dozasyn alǵan óńirler arasynda Almaty qalasy kósh bastap tur – 283 318 adam. Odan keıingi oryndarda Almaty oblysy (195 334), Túrkistan oblysy (168 351), Shymkent qalasy (146 201), Qaraǵandy oblysy (145 001) jáne Nur-Sultan qalasy (142 781) tur. Qalǵan óńirlerdegi kórsetkish 100 myń adamǵa jetpeıdi.