Nur-Sultanda Ashyq-ta «qyzyl» statýsy bar turǵynǵa qoǵamdyq tamaqtaný nysanyna barǵany úshin aıyppul salyndy, dep habarlady Egemen.kz.
Oqshaýlaný rejımin buzǵany úshin Baıqońyr aýdandyq sanıtarlyq-epıdemıologııalyq baqylaý bóliminiń mamandary turǵynǵa qatysty Ákimshilik quqyq buzýshylyq týraly kodekstiń 425-babynyń 1-bóligi boıynsha hattama toltyrylyp, oǵan 30 AEK (87 510 teńge) aıyppul salyndy.
5 sáýirden bastap Ashyq jobasyna qatysatyn kásipkerlik nysandarynda úı karantınin buzǵan 4039 kelýshi anyqtaldy. Onyń ishinde «qyzyl» statýsy bar 1888 adam (koronavırýs juqtyrǵan), 2151 adamnyń «sary» statýsy bar (jaqyn baılanysta bolǵan).
Onyń ishinde, 11-27 maýsym aralyǵynda úı karantınin buzǵan 491 kelýshi anyqtaldy (247 kelýshiniń – «qyzyl» tústi, 244 kelýshiniń – «sary» tústi mártebesi bar).