Aqtaýda páterindegi jándikti ózi dezınfeksııalap, kórshisin óltirip alǵan turǵyn 6 jylǵa bas bostandyǵynan aıyryldy, dep habarlaıdy Egemen.kz.
Qaıǵyly oqıǵa osydan 5 aı buryn bolǵan edi. 46 jastaǵy turǵyn páterin tyıym salynǵan «Kvıkfospen» preparatymen ýlap, kórshilerine eskertpesten ketip qalǵan. Saldarynan joǵarǵy qabatta turatyn áıel men onyń 10 aılyq balasy kóz jumdy. Taǵy 5 adam ýlanyp, aýrýhananyń jansaqtaý bólimine tústi. Sotta áıeldiń kinási tolyq dáleldendi. Ol jazasyn qaýiptiligi tómen qylmystyq túzetý mekesinde óteıtin boldy.
«Sot úkimimen atalǵan azamatsha QR QK 304-baby 3-bóligi boıynsha kináli dep tanylyp, oǵan 6 jyl merzimge bas bostandyǵynan aıyrý jazasy taǵaıyndaldy. Azamattyq talap azamattyq is boıynsha qaralady», dep habarlaıdy oblystyq sottyń baspasóz hatshysy Gaýhar Nurhanova.