Qazaqstan Respýblıkasy Parlamenti Senaty men Reseı Federasııasy Federaldy Jınalysynyń Federasııa Keńesi arasyndaǵy yntymaqtastyq jónindegi komıssııanyń 16-shy keńeıtilgen otyrysy aıasynda Reseı-Qazaqstan memlekettik shekarasy arqyly ótkizý beketterin 2025 jylǵa deıin damytý máselesi qaraldy, dep habarlaıdy Egemen.kz.
Indýstrııa jáne ınfraqurylymdyq damý mınıstri Beıbit Atamqulov beınekonferensııa formatynda ótken kezdesý qatysýshylaryna qazirgi jaǵdaı men qos el arasyndaǵy ótkizý pýnktterin jańartý josparlary týraly aıtty.
Sonymen, Qazaqstan-Reseı shekarasynda kún saıyn 10 myńnan astam kólik quraly ótetin 30 avtomobıldik ótkizý beketi bar, al jolaýshylar aǵyny 28 myń adamdy quraıdy. Tyǵyzdyq problemasyn sheshý úshin 27 ótkizý beketin rekonstrýksııalaý qajet.
Bıyl mınıstrlik birinshi kezekte turǵan 6 ótkizý pýnktisin rekonstrýksııalaý boıynsha jobalardy ázirleýdi bastady. Olar: Syrym, Tasqala, Qosaq, Úrlitóbe, Jańa jol jáne Álimbet ótkizý pýnktteri.Qalǵan ótkizý beketterin 2025 jyldyń sońyna deıin kezeń-kezeńmen rekonstrýksııalaý josparlanǵan.Rekonstrýksııalaý aýmaqtardy ulǵaıtýdy, qoldanystaǵy ǵımarattar men qurylystardy modernızasııalaýdy, zamanaýı stasıonarlyq ınspeksııalyq-teksermeleý keshenderin satyp alýdy, tólqujattyq tekserý aımaǵyn ulǵaıtýdy jáne avtokólik quraldaryna arnalǵan aǵyndardy bóle otyryp, qozǵalys jolaqtarynyń sanyn arttyrýdy kózdeıdi.Rekonstrýksııadan keıin kólikterdi ótkizý qabilettiligi 2 esege, al jolaýshylar aǵyny 4 esege artady.