Jeke kezeńde jeńiske jetýdi kózdeıdi

118 jyldyq tarıhy bar aıtýly týrnırde talaı myqty veloshabandozdardyń óner kórsetkeni tarıhtan belgili. Bıyl da bul jarystan álemniń eń myqty degen sportshylary tys qalǵan joq. Atap aıtar bolsaq, osy dodanyń byltyrǵy jeńimpazy, sondaı-aq taýly kezeń men jastar arasyndaǵy básekede de úzdik shyqqan slovenııalyq Tadeı Pogachar men 2019 jáne 2020 jyldarǵy «Ispanııa Výeltasynda» top jarǵan onyń otandasy Prımoj Roglıch, osy jarystyń 2018 jylǵy jeńimpazy brıtanııalyq Geraınt Tomas, «Týr de Frans» básekesiniń tórt dúrkin (2013, 2015, 2016, 2017) jeńimpazy, «Ispanııa Výeltasy» (2017) men «Djıro d’Italııa» (2018) dodasynda bir márteden dara shyqqan taǵy bir brıtanııalyq Krıs Frým, 2019 jylǵy «Djıro d’Italııa» dodasynyń bas júl­desin oljalaǵan ekvadorlyq Rıchard Karapas, sondaı-aq Saı­mon Ieıts (Ulybrıtanııa), Rıchı Port (Aýstralııa), Esteban Chaves (Kolýmbııa), byltyr «Astana» sapynda jasyndaı jarqyldaǵan kolýmbııalyq Mıgel Anhel Lopes sekildi ataqty veloshabandozdar men taǵy basqa sportshylar osy jarystyń kórigin qyzdyrýda.

Atalǵan jarysqa qa­zaq­­­stan­dyq-kana­da­­lyq Astana-Premier Tech velo­­ko­­ma­n­dasy­nan Aleks Aranbýrý (Ispanııa), Stefan De Bod (OAR), Dmıtrıı Grýzdev (Qa­zaqstan), Alekseı Lýsenko (Qa­zaq­stan), Ion Isagırre (Is­panııa), Omar Fraıle (Is­panııa), Iаkob Fýlsang (Danııa), Ýgo Ýl (Kanada) sekildi sportshylar qatysyp, bas júlde úshin synǵa túsedi. Árı­ne jankúıerler de, klýb basshylyǵy da bul qu­rammen jarystyń kóshin bastaý ońaı emes ekenin jaqsy túsinedi. Sondyqtan komanda bıyl jalpy týrda emes, jekeleı kezeńderde je­ńiske jetýdi kózdeıdi.

– Bıyl «Týr de Fransta» biz jeke kezeń­derge nazar aýdaramyz. Qazirdiń ózinde kezeń jeńim­pazdary – Alekseı Lýsen­ko, Ion Isagırre jáne Ispanııanyń jańa chempıony Omar Fraıle bar myqty jáne jigerli sportshylarmen Fransııaǵa keldik. Sonymen qatar bizde eki moný­men­taldy klassıkalyq jarys­tyń jeńimpazy Iаkob Fýlsang, tájirıbeli Dmıtrıı Grýzdev, kóshbasshy maman Ýgo Ýl jáne eki debıýtant – Aleks Aranbýrý men Stefan De Bod bar. Komanda óte myqty jáne biz jigitterge kezeńderde jeńis úshin kúresýge erkindik berýdi josparlap otyrmyz. Grand-týrda, ásirese «Týr de Fransta» jeńiske jetý ońaı sharýa emes. Bi­raq men byltyrǵydaı jetistikke jetetinimizge se­nim­dimin jáne Astana-Premier Tech jeıdesi alda birneshe ret jarqyraıtyn bolady, – dedi ko­­mandanyń sport menedjeri Dmıtrıı Fofo­nov.

Brest pen Landerno qala­laryn jalǵaǵan týrnır­diń al­ǵash­qy kezeńinde Jýlıan Alafı­lıpp (Deceuninck-Quick Step) jeńimpaz atandy. 197,8 sha­qyrymǵa sozylǵan qashyqtyqty fran­sııalyq veloshabandoz 4 sa­ǵat 39 mınýt 05 sekýndta ba­ǵyn­dyrdy. Alafılıppten 8 se­­kýnd­qa qalyp qoıǵan aýs­tra­­lııalyq Maıkl Met­tıýs (Bike­Exchange) ekinshi oryn­ǵa taban tirese, úzdik úshtikti Prı­­moj Roglıch (Jumbo-Visma) túıindedi.

Astana-Premier Tech komandasynan birinshi kezeńde eń úzdik nátıjege otandasymyz Alek­seı Lýsenko qol jetkizdi. Máre syzyǵyn 14-shi bolyp kesken Lýsenko jeńimpazdan 8 sekýndqa qalyp qoıdy. Sonymen qatar qalyń toppen birge kelgen «Astananyń» taǵy eki ókili – Iаkob Fýlsang pen Aleks Aranbýrý 21 jáne 23-oryndarǵa jaıǵasty.

182,9 shaqyrymǵa sozylǵan ekinshi kezeńde 2020 jyldyń qorytyndysy boıynsha jyldyń eń úzdik velokomandasy atanǵan Belgııanyń Alpecin-Fenix klýbynda óner kórsetetin Mate van der Pýl máre syzyǵyn birinshi bolyp kesti. Nıderland veloshabandozy Perros-Gırek jáne Mıýr-de-Bretan qalalaryn jalǵaǵan jarys jolyn 4 saǵat 18 mınýt 30 sekýndta júrip ótti. Jeńimpazdan 6 sekýndqa qalyp qoıǵan slovenııalyq sportshylar – Tadeı Pogachar (UAE Team Emirates) men Prımoj Roglıch (Jumbo-Visma) ekinshi jáne úshinshi oryndardy ózara bólisti. «Astana» sapynan bul kezeńde taǵy da Alekseı Lýsenko úzdik boldy. Ol márege Tadeı Pogachar bastaǵan toppen birge kelip, jalpy esepte 16-shy boldy.

Eki kezeńniń qorytyndysy boıynsha jalpy esepte Mate van der Pýl kósh bas­tady. Ony fransııalyq veloshaban­doz Jıýlıan Alafılıpp (De­ceuninck-Quick Step) pen byl­tyrǵy jeńimpaz Tadeı Pogachar ókshelep keledi.