Aqparat jáne qoǵamdyq damý mınıstri Aıda Balaeva Buqaralyq aqparat quraldary qyzmetkerleriniń kúnine oraı birneshe BAQ ókili men basshylaryna nagradalar tabystady.
Saltanatty is-sharanyń ashylý rásiminde sóz alǵan Aıda Ǵalymqyzy barsha jýrnalıst qaýymyn merekemen quttyqtap, BAQ-tyń memleket damýyndaǵy róline qysqasha toqtalyp ótti. «Buqaralyq aqparat quraldary – tek qana aqparatty jetkizetin qural emes, eń bastysy ıdeologııamyzdyń, ulttyq qaýipsizdigimizdiń ózegi. Elge qyzmet etýde kúndiz-túni aıanbaı eńbek etip júrsizder. Halyqqa qyzmet – kásibı aqparatty der kezinde jetkizý, memlekettik saıasatty jetkizý. Memlekettik saıasattyń negizinde halyqtyń ál-aýqatyn kóterý, turmysyn sapaly etý jatyr. Sonymen qatar kúndelikti halyqtyń kókeıkesti máselelerin sheshýde aıanbaı qyzmet etip kele jatyrsyzdar. Sizderdiń materıaldaryńyz arqyly tek qana qoǵamdyq-saıası, ekonomıkalyq ózgerýmen qatar ár jeke adamnyń da ómirin ózgertip, ıá bolmasa, ómirin qutqaryp jatqan jaıttar bar. Sondyqtan búgingi kásibı merekelerińizben quttyqtaımyn. Árqaısyńyzdyń arttaryńyzda tutas ujym tur. Sizder arqyly sol ujymdaryńyzdy quttyqtaımyn», dedi Aıda Balaeva.Atalǵan jıynda «Habar» telearnasynyń dırektory Dınara Bısembına, L.N.Gýmılev atyndaǵy EUÝ jýrnalıstıka jáne saıasattaný fakýltetiniń dekany Qaırat Saq, «Aıqyn» gazetiniń shyǵarýshy redaktory Gúlzına Bektasova, «Egemen Qazaqstan» gazetiniń ardager fototilshisi Orynbaı Balmurat, jýrnalıst Mahabbat Isenova, «Qazmedıa» appa-rattyq-stýdııalyq kesheniniń jetekshi ınjeneri Evgenıı Gaızer, Qazaqstan telearnasy Qareket baǵdarlamasynyń prodıýseri Samal Aıdabolova, «Kazahstanskaıa pravda» respýblıkalyq gazetiniń arnaıy tilshisi Dýlat Moldabaev, «Taldaý jáne aqparat» ortalyǵynyń jańa medıany monıtorıngteý basqarmasynyń basshysy Abylaı Turlybekov, Qazaqstan ulttyq telearnasynyń aqparattyq-taldamalyq baǵdarlamalar dıreksııasynyń tilshisi Asıma Buharbaeva, Ortalyq kommýnıkasııalar qyzmetiniń ana-lıtıkalyq qyzmet basshysynyń orynbasary Oleg Rıabchenko, M.Nárikbaev atyndaǵy QazMZÝ basqarma tóraǵasynyń orynbasary Erbolat Muhamedjan «Aqparat salasynyń úzdigi» tósbelgisimen marapattaldy.