Ulybrıtanııanyń astanasy – Londonda júlde qory 35 000 000 fýnt-sterlıngti quraıtyn «Ýımbldon» týrnıri bastaldy. Bul jarysta álemniń barlyq myqty oıynshylary óner kórsetýde, dep habarlaıdy Egemen.kz.
Qazaqstannyń tennısshileri arasynda alǵashqy bolyp Elena Rybakına kortqa shyqty. Álemdik reıtıngte 20-orynda turǵan jerlesimiz tusaýkeser kezdesýinde Krıstına Mladenovıchpen sheberlik baıqasty. 28 jastaǵy Fransııanyń ókili osydan úsh-tórt jyl buryn WTA tiziminde «TOP-10» oıynshynyń qataryna engen. Kezinde ol «Rolan Garros» pen AQSh-tyń ashyq birinshiliginiń shırek fınalyna deıin jetti. Qazirgi kezde Mladenovıch úzdikter reıtınginde 62-satyǵa jaıǵasty. 56 mınýtqa sozylǵan qos sportshy arasyndaǵy báseke 6:4, 6:0 esebimen Rybakınanyń paıdasyna sheshildi. Endi Elena japonııalyq Mısakı Doı men amerıkalyq Kler Lıý arasyndaǵy kezdesýdiń jeńimpazymen kúsh synasady.
Keshe Zarına Dıas latvııalyq Anastasııa Sevostovamen kezdesse, Qazaqstannyń qos tennısshisi – Aleksandr Býblık pen Mıhaıl Kýkýshkın ózara saıysqa tústi. Al búgin Iýlııa Pýtınseva ýkraınalyq Lıýsıa Sýrenkomen aıqasady.