El Táýelsizdiginiń 30 jyldyǵyna oraı Qaraǵandy oblysy ákimdigi Mádenıet, arhıvter jáne qujattama basqarmasynyń qoldaýymen «Mádenıet portaly» aqparattyq agenttiginde tuńǵysh ret ótkizilip jatqan «Táýelsizdik: Sóz ben Sýret» atty aqyndar men sýretshiler arasyndaǵy respýblıkalyq onlaın-baıqaýynyń I kezeńindegi jeńimpazdary anyqtaldy.
Eki aıǵa sozylǵan dodaǵa 101 sýretshiniń 300-den astam kartınasy kelip tústi. Solardyń ishinde 8 sýretshi úzdikter qatarynan tabyldy. Olar: Arshyn Qabylbek («Shahter»), О́mirzaq Rystan («Urpaq qorǵany»), Tolqyn Tabysbek («Kósem»), Dáýrenbek Beknazar («Kókeıkesti»), Rahat Saparalınova («Tas tynysy»), Amanat Nazarqul («Uly dala kardıogrammasy»), Serikjan Ysqaqbek («Qoıandy jármeńkesi»), Qumar Omarhan («Aqseleý Seıdimbek»). Aıta keteıik, jeńimpazdardyń 8 sýreti boıynsha baıqaýdyń II kezeńi jalǵasady. Endi aqyndar jeńimpaz atanǵan sýretshiler salǵan úzdik 8 sýrettiń bireýin tańdap, sol sýret týraly bir poezııalyq shyǵarmasyn (óleńin) joldaý arqyly qatysa alady. Baıqaýdyń aqyndarǵa arnalǵan 2-kezeńi 26 maýsym men 26 shilde aralyǵynda ótedi.Jeńimpaz Aqyn men Sýretshi shyǵarmalarynan arnaıy úsh tilde (qazaq, orys jáne aǵylshyn) albom daıyndalady. Albom sapaly, túrli-tústi sýrettermen bezendirilip, arnaıy túsirilgen beınerolıkterge silteme berilgen QR-kodtarmen jaryq kóredi.Negizgi shart boıynsha poezııa men sýrette úndesken dýet-úmitkerler «Táýelsizdik: Sóz ben Sýret» qorytyndy mádenı keshine shaqyrtylady.