Búgin QR Parlamenti palatalarynyń birlesken otyrysy ótip jatyr. Onda jetinshi saılanǵan Parlamenttiń birinshi sessııasynyń jumysyn aıaqtaý qaralýda, dep habarlaıdy Egemen.kz.
Osy oraıda sessııa resmı túrde jabylyp, depýtattar qyrkúıek aıyna deıingi kanıkýlǵa ketedi. Májilis Tóraǵasy QR Parlamenti palatalarynyń birlesken otyrysyn shaqyrý týraly О́kimge qol qoıdy.
Eske sala keteıik, 23 maýsymda jetinshi shaqyrylǵan Parlament Májilisiniń birinshi sessııasynyń sońǵy jalpy otyrysy ótti.
Osyǵan oraı, Májilis Tóraǵasy Nurlan Nyǵmatýlın ótken sessııa jumysyn qorytyndylady.
Sonymen qatar 24 maýsymda Senat Tóraǵasy Máýlen Áshimbaev sessııa jumysyna qatysty pikir bildirgen bolatyn.
«Parlamenttik kanıkýl kezeńinde depýtattardyń jumysy toqtap qalmaıtyny belgili. Sizder óńirlerge baryp, halyqpen, jurtshylyqpen kezdesesizder. Sonyń aıasynda jergilikti jerlerdegi problemalardy zerdelep, syndarly usynystar jınaqtaısyzdar. Onyń barlyǵy da aldaǵy depýtattyq qyzmetimizge negiz bolatyny sózsiz», dedi M. Áshimbaev.