Almaty oblysynda 37 jastaǵy er adamdy sýretke túsý kezinde ózen aǵyny alyp ketti. Qutqarý jumystary júrgizilýde. Bul týraly QR Tótenshe jaǵdaılar mınıstrliginiń baspasóz qyzmetinen málim etti, dep habarlaıdy Egemen.kz.
«1 shildede saǵat 11.15-te «112» pýltine Almaty oblysynyń Kegen aýdanynda 1984 jyly týǵan er adamdy Sharyn ózeniniń aǵyny alyp ketkendigi týraly habar tústi. Izdestirý jumystaryn júrgizý úshin oqıǵa ornyna tez arada Almaty oblysy Tótenshe jaǵdaılar departamentiniń kúshteri men quraldary jiberildi. Olardyń jalpy sany jeke quramnan 15 adam men 4 birlik tehnıka.
Oqıǵa ornyna saǵat 12.05-te TJM Respýblıkalyq jedel-qutqarý jasaǵynyń qutqarýshylary da jiberildi. Olardyń jalpy sany jeke quramnan 8 adam men 1 kınologııalyq esep. Saǵat 13.00-de oqıǵa ornyna «Qazavıaqutqarý» AQ-nyń tikushaǵy ushyp shyqty. Qosymsha kúshter men quraldar jiberiletin bolady», dedi mınıstrliktiń baspasóz qyzmetinen.
Aldyn ala málimetke sáıkes, er adam týrıstik toppen júrgen. Fotoǵa túsý kezinde qaýipti aımaqta aıaǵy taıyp ketip, sýǵa qulaǵan. Ony ózen aǵyny alyp ketti.