Almatynyń bas sanıtarııa dárigeri Jandarbek Bekshın qalaǵa koronavırýstyń tórtinshi tolqyny kelgenin aıtty, dep habarlaıdy Egemen.kz.
Bekshınniń aıtýynsha, búginde indet údep kele jatyr.
«Sońǵy eki aptada koronavırýs 2,1 esege ósti. Bul 1 142 jaǵdaı 2 377 jaǵdaıǵa deıin ósti degen sóz. Keıingi táýlikte 353 jaǵdaı tirkeldi. Táýliktik ósim 0,4 paıyz boldy. Sondyqtan bizdiń oıymyzsha, bul tórtinshi tolqyn dep sanalady. О́tken úshinshi tolqynnyń sebebi ulybrıtanııalyq shtamnyń tirkelýi. Ol basylmaı, jańadan tórtinshi tolqyn bastalyp jatyr. Onyń basty sebebi - ulybrıtanııalyq shtamǵa úndi shtamy «delta» qosyldy», dedi Jandarbek Bekshın О́KQ alańynda ótken brıfıngte.
Eske salaıyq, Almaty koronavırýs juqtyrǵandar sany boıynsha birinshi orynda tur. Pandemııa bastalǵaly 74 659 naýqas tikelse, onyń 71 262 aýrýdan aıyqqan.