Azamattyq bastamalardy qoldaý ortalyǵynda 2021 jyldyń 4 maýsymynda jarııalanǵan ÚEU-ǵa memlekettik granttardy berý konkýrsyna qatysý úshin ótinimderdi qabyldaý aıaqtaldy, dep habarlaıdy Egemen.kz.
Aldyn ala qorytyndy boıynsha, Azamattyq bastamalardy qoldaý ortalyǵy 67 úkimettik emes uıymnan 111 ótinim kelip tústi.
Atap aıtqanda, memlekettik tilde - 33, orys tilinde - 78 ótinim berildi.
ÚEU úshin memlekettik granttardy berý konkýrsyna qatysýǵa 89 ótinim konkýrstyń sońǵy kúni berildi.
«Ortalyq jumysynyń úlken jetistigi - qazaqtildi ótinimderdiń aıtarlyqtaı ósýi. Eger aqpan aıynda ótinimderdiń tek 16 %-y qazaqtildi ÚEU-dan bolsa, qazir - árbir úshten biri memlekettik tilde. Demek, biz durys baǵytty tańdadyq», dedi Azamattyq bastamalardy qoldaý ortalyǵy Basqarma tóraıymy Lıma Dıas.
Qazirgi ýaqytta Ortalyq ótinimderdi granttar berý jáne olardyń iske asyrylýyna baqylaý qaǵıdalarynda jáne bekitilgen granttar josparyna kózdelgen talaptarǵa sáıkestigin qarastyryp jatyr.