Qazaqstannyń depozıtterge kepildik berý qory (QDKBQ) teńgelik depozıtter boıynsha 2021 jyldyń tamyz aıyna usynylatyn eń joǵary syıaqy mólsherlemelerin bekitti, dep habarlaıdy Egemen.kz
Qysqa merzimdi teńgelik depozıtter boıynsha usynylǵan maksımaldy mólsherlemeler ózgergen joq. О́ıtkeni Qazaqstannyń Ulttyq Bankiniń bazalyq mólsherlemesi maýsym aıynda 9 paıyz deńgeıinde saqtaldy. Eske salamyz, mundaı depozıtter boıynsha shekti mólsherlemelerdiń kólemi bazalyq mólsherlemege tikeleı táýeldi.
Bir nemese eki jylǵa aıǵa arnalǵan merzimdi salymdar jáne 24 aıǵa arnalǵan jınaq salymdar boıynsha maksımaldy mólsherlemeler de burynǵy deńgeıinde qaldy. Buǵan depozıt naryǵynyń osy segmentinde belsendiliktiń tómendigi sebep boldy. Al 12 aıǵa arnalǵan jınaq depozıtter boıynsha ortasha ólshemdi naryqtyq mólsherlemeler tómendegendikten, osy depozıtterge tıesili shekti mólsherleme 13,9 paıyzǵa deıin azaıypty.
Qor ókilderi atalmysh depozıtter boıynsha mólsherlemeler depozıtterdiń basqa túrleri arasynda áli de eń joǵary deńgeıde bolyp qala beretinin aıtyp otyr.