8 shilde kúni Astana Hub tehnoparktiń sıfrlyq nusqasyn tanystyrady, dep habarlaıdy Egemen.kz.
Sıfrly tehnopark paıdalanýshylardyń jumysyn birshama jeńildetedi dep kútilip otyr. Onda baǵdarlamalarǵa qatysýǵa ótinimder qabyldaý, salyqtyq jáne vızalyq preferensııalar alatyn tehnopark rezıdentteri úshin onlaın eseptilikti toltyrý syndy barlyq jumys avtomattandyrylǵan.
Tehnoparktiń baspasóz qyzmetiniń málimdeýinshe, sıfrlyq nusqasynda startaptarǵa grant berý qyzmeti de iske qosylady.
Tusaýkeser rásiminde Astana Hub bas dırektory Maǵjan Mádıev pen tehnopark qyzmetkerleri tikeleı efırde astanahub.com elektrondy platformasynda qandaı qyzmetterdi alýǵa bolatyny týraly aıtyp beredi.
Ashylý saltanaty 2021 jylǵy 8 shilde, saǵat 10:30-da zoom platformasynda ótedi. Tirkelý úshin https://forms.amocrm.ru/mltwxl.
Búgingi tańda 502-den astam IT-kompanııa Astana Hub-tan salyq preferensııalaryn alady. Eki jyl ishinde tehnopark qatysýshylary 7,7 mıllıard teńge únemdedi.