El Táýelsizdiginiń mereıli belesine oraı sýretshi-ıllıýstratorlarǵa arnalǵan «Tarıhym – búginim, erteńim!» atty baıqaý jarııalandy.Baıqaýdy «Samruk-KazynaTrust» áleýmettik jobalardy damytý qorynyń bas seriktesiniń qoldaýymen «BAURZHAN foundation» qaıyrymdylyq qory uıymdastyryp otyr. Baıqaýdyń jalpy júlde qory 1 mln teńgeni quraıdy, dep habarlaıdy Egemen.kz.
Uıymdastyrýshylardyń aıtýynsha, baıqaýdyń basty ıdeıasy 1991-2021 jyldar aralyǵyndaǵy Táýelsiz Qazaqstan tarıhyna negizdelgen. Sońǵy 30 jyl ishinde eldegi aıtýly mádenı, sporttyq, saıası jáne basqa da oqıǵalar qazirgi zamanǵy sýretshi-ıllıýstratorlardyń jumystarynyń irgetasy men negizgi taqyrybyna aınalmaq.
Baıqaýǵa 16 jastan bastap Qazaqstannyń talantty jas sýretshileri uıymdastyrý komıtetiniń meken-jaıyna 1 kezeńnen ótý úshin jeke jumystaryn jiberý arqyly qatysa alady. Olardy kásibı sýretshiler men qoǵam qaıratkerlerinen quralǵan qazylar alqasy baǵalap irikteıtin bolady. Baıqaýdyń 2-kezeńinde sýretshiler 30 úzdik ıllıýstratordy anyqtaıtyn jalpy tapsyrma alady. 3 kezeń - ıllıýstrasııalar jınaǵynda ári qaraı jarııalaý úshin Táýelsizdiktiń 30 jyldyǵynyń tarıhı taqyryptaryn bólýmen jalǵasady.
Táýelsizdiktiń 30 jyldyǵyna arnalǵan 30 ıllıýstratordyń jumystary «Qazaqstan Respýblıkasynyń tarıhy» kitabynyń zamanaýı sýretti basylymyna enedi. Júlde qory festıvaldiń barlyq qatysýshylaryna teń bólinbek.
«Qazaqstannyń táýelsizdikke qol jetkizý joly uzaq ári kúrdeli boldy. Táýelsizdiktiń 30 jyldyq tarıhy eleýli, uly oqıǵalarǵa toly. Álemniń ár túkpirinde elimizdiń kók baıraǵyn jelbiretip, atyn abyroımen tanystyrǵan kóptegen jańa esimder belgili boldy. Bul baıqaý jas qazaqstandyqtardyń shyǵarmashylyq qyzmetin jandandyryp qana qoımaı, olardyń shyǵarmashylyǵy arqyly Otanymyzdyń tarıhy týraly syr shertedi dep tolyq aıtýǵa negiz bar», deıdi baıqaýdyń úılestirýshisi Saıda Ibragımova.
Baıqaýǵa qatysýǵa ótinimder qatysýshynyń portfolıosymen 2021 jyldyń 31 shildesine deıin khancomicswork@gmail.com elektrondyq poshtasy arqyly qabyldanady.
Baıqaý erejesimen jáne qosymsha aqparatpen uıymdastyrýshylardyń resmı saıtynda tanysýǵa bolady: www.baurzhan.kz, www.sk-trust.kz jáne www.khancomics.kz