Qazaqstan musylmandary dinı basqarmasy bıyl Qurban aıtqa qurbandyq shalý rásimin qalaı ótkizetinderin aıtty, dep habarlaıdy Egemen.kz.
QMDB qala turǵyndaryna óz atynan qashyqtan qurbandyq shalý qyzmetine tapsyrys berýdi usyndy.
«Bıyl qurbandyq shalý rásimin eki jolmen júzege asyrýdy usyndyq. Sanıtarııalyq talaptardy qatań saqtaı otyryp, memlekettik sanıtarııalyq-epıdemıologııalyq qadaǵalaý organdarynan rásimdi ótkizýge ruqsaty bar jergilikti qasaphanalarda oflaın rejımde jáne sharıǵat erejelerine sáıkes qurban2021.kz saıty arqyly onlaın rejıminde qurban shala alasyzdar», delingen habarlamada.
QMDB karantın jaǵdaıynda qalada turatyn turǵyndar úshin óz atynan qurbandyq shalý qyzmetine qashyqtan tapsyrys berý - eń jaqsy sheshim ekenin atap ótti.
«Sharıǵat erejelerine sáıkes, musylman basqa musylmanǵa onyń atynan birdeńe jasaýǵa ruqsat bere alady. Birde Paıǵambar Hakım ıbn Hızamǵa janýardy óz atynan qurbandyqqa shalýdy buıyrdy. Qurban shalýdy ýákiletti tulǵa arqyly júzege asyrýǵa bolatyndyǵyn osy jaǵdaıdan anyq kórýge bolady», delingen QMDB jarııalaǵan habarlamada.
О́tken jyly karantınge baılanysty QMDB qurban shalýǵa arnalǵan arnaıy saıtty iske qosty. Onda qazaqstandyqtar qurbandyq shalý rásimin onlaın rejıminde ótkizýge ótinim rásimdeı alady. Tapsyrys berýshi qyzmetke aqy tólep, foto jáne beıne esebin suraı alady.