«Qaırat» Chempıondar lıgasynyń alǵashqy irikteý kezeńinde ızraıldik «Makkabı Haıfamen» teń oınady, dep habarlaıdy Egemen.kz aladop.kz portalyna silteme jasap.
Haıfadaǵy «Semmı Ofer» stadıonynda ótken oıyn 1:1 esebimen aıaqtaldy.
Alań ıeleri 45-mınýtta esep ashty. «Qaırat» komandasynyń eki qorǵaýshysyn aldap ótken Omer Asılı gol soqty. Al almatylyq klýb 76-mınýtta Nuraly Áliptiń golymen jaýap berdi. Neboısha Kosovıch buryshtamadan pas asyrǵan edi, qazaqstandyq qorǵaýshy dopty basymen qaqpaǵa dál baǵyttady.
Match sońyna deıin «Qaırat» jeńisti julyp alýy múmkin edi, biraq oıynshylarǵa shabýyldyń sońǵy kezeńinde sál sáttilik jetispedi.