Dostyq úıinde oblys ákimi Gúlshara Ábdiqalyqovanyń tóraǵalyǵymen «Birlik pen beıbitshiliktiń 30 jyly» taqyrybyndaǵy Qyzylorda oblystyq Qazaqstan halqy Assambleıasynyń XXIII sessııasy ótti, dep habarlaıdy Egemen.kz.
Sessııaǵa Qyzylorda oblystyq Qazaqstan halqy Assambleıasynyń músheleri, Qyzylorda qalasynyń ákimi, aýdan ákimderi, etnomádenı birlestikterdiń basshylary men belsendileri, memlekettik mekemeler jáne úkimettik emes uıymdar, oblystyq Assambleıa qurylymdary men buqaralyq aqparat quraldarynyń ókilderi qatysty.
Mazmundy jıyn moderatory oblys ákiminiń orynbasary, oblystyq Qazaqstan halqy Assambleıasy tóraǵasynyń orynbasary Serik Ahmet boldy.
Jıyn barysynda oblystyq QHA tóraǵasynyń jańa orynbasaryn qoǵamdyq negizde bekitý, QHA HHIH sessııasynyń qorytyndysy boıynsha Qazaqstan halqy Assambleıasynyń mindetterin naqtylaý sııaqty máseleler talqylandy.
Sessııa spıkerleri bolyp Qazaqstan halqy Assambleıasynyń múshesi, oblystyq máslıhat hatshysy Naýryzbaı Baıqadamov, oblystyq QHA tóraǵasynyń qoǵamdyq negizdegi orynbasary, oblystyq nemis etnomádenı birlestiginiń jetekshisi Irına Shek, oblystyq QHA janyndaǵy Volonterler ortalyǵynyń jetekshisi, oblystyq tatar etnomádenı birlestiginiń múshesi Ildar Gafýrov, oblystyq perınataldyq ortalyǵynyń bas dárigeri Oleg Kım, oblystyq QHA múshesi, oblystyq máslıhat depýtaty Dılfýra Baırahtarova sóz sóıledi.
Spıkerler beıbitshilik pen kelisim, ulttyq qundylyqtar, áleýmettik máseleler, qoǵamdyq damý máseleleri boıynsha oı-pikirlerimen bólisti.
Oblys ákimi Gúlshara Ábdiqalyqova sessııany qorytyndylaı kele, Elbasy tóraǵalyǵymen ótken «Birliktiń, tatýlyq pen kelisimniń 30 jyly» Qazaqstan halqy Assambleıasynyń HHIH sessııasynda belgilengen mindetter boıynsha birqatar tapsyrmalardy oryndaýdy júktedi.