Amerıka Qurama Shtattarynyń prezıdenti Djo Baıden AQSh-tyń Aýǵanstandaǵy áskerı mıssııasy 31 tamyzda aıaqtalatynyn málimdedi, dep jazady Egemen.kz.
«Bizdiń Aýǵanstandaǵy mıssııamyz 31 tamyzda aıaqtalady», dedi amerıkalyq kóshbasshy baspasóz máslıhaty barysynda.
Aq úıdiń basshysy Aýǵanstan armııasynyń tálipterge sátti qarsy turýǵa qabiletti ekenine senim bildirdi.
Sondaı-aq Prezıdent AQSh áskerleri shyǵarylǵannan keıin «Aýǵanstandy birtutas úkimet basqarýy ekitalaı» degen oıyn bildirdi.
AQSh Prezıdenti sonymen birge jýrnalısterge Amerıka kontıngentin Aýǵanstannan shyǵarý prosesiniń egjeı-tegjeıleri týraly aıtty.