Bul týraly QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov Sybaılas jemqorlyqqa qarsy is-qımyl agenttiginiń 2021 jyldyń 1-jartyjyldyqtaǵy qorytyndysy boıynsha alqa otyrysynda aıtty, dep jazady Egemen.kz.
M.Ahmetjanovtyń aıtýynsha, jyl saıyn memleket tarapynan aýyl sharýashylyǵy salasyna qomaqty qarjy bólinedi.
«Alaıda ol qalaı jumsalyp jatyr? Tıisti adamdar alyp jatyr ma? Nátıje bar ma? Bazarda kartop, sábiz baǵasy ósip ketti. Ony qalaı túsinýge bolady? Memleket bólip jatqan qarjy qaıda ketip jatyr? Sýbsıdııa salasynda halyqty tolǵandyratyn másele az emes», dedi ol.
Agenttik tóraǵasynyń aıtýynsha, kóbi sýbsıdııany ashyq ári adal alýǵa bolatynyna senbeıdi. Sýbsıdııaǵa tapsyrys berý qarapaıym fermerler úshin túsiniksiz jáne tym kúrdeli. Sol sebepti halyqtyń aýylda turǵysy kelmeıdi dep sanaıdy ol.
«Sondyqtan sýbsıdııalar halyqqa qanshalyqty jetip jatqanyn qadaǵalaý kerek. Antıkor halyqtyń jan aıqaıyna qulaq asady. Bul jumysqa ózge memlekettik organdardy jumyldyryp, osy istiń uıytqysy bolamyz. Árıne, biz aýyl sharýashylyǵy, sıfrlandyrý mamany emespiz, biraq qandaı táýekelder baryn ashyq kórsetip, memlekettiń shara qoldanýyna alyp kelýimiz kerek», dedi Marat Ahmetjanov.