UFC prezıdenti Dana Ýaıt Irlandııalyq aralas jekpe-jek sheberi Konor MakGregor men amerıkalyq Dastın Pore arasynda tórtinshi kezdesý ótetinin joqqa shyǵarmady, dep habarlaıdy Egemen.kz.
Onyń aıtýynsha, eki sportshy arasyndaǵy urystyń sońy bulaı aıaqtalmaýy kerek.
«Bul kezdesýdiń sońy emes. Bundaı jekpe-jektiń máresi osylaı aıaqtalady dep esepteýge kelmeıdi. Konor MakGregordyń jaraqatynan qashan aıyǵatyny belgisiz. Alaıda, ol óz esesin qaıtarary anyq. Pore bolsa, beldik úshin kúresýdi jalǵastyra beredi. Meniń oıymsha, olardyń teketiresi bunymen aıaqtalmaıdy», dedi ol.
Eske sala ketsek, Konor men Pore sharshy alańda úshinshi ret aıqasyp otyr. 2014 jyly MakGregor qarsylasyn nokaýtpen jeńse, bıylǵy jyldyń basynda Dastın Pore óz esesin qaıtarǵan edi. 11 shilde kúni ótken UFC 264 týrnıriniń birinshi raýndynda sátsiz qadamdar jasaǵan MakGregor aıaǵynan jaraqat aldy. Sportshynyń jaǵdaıyn teksergen dárigerler jekpe-jekti toqtatýǵa sheshim qabyldady. Nátıjesinde amerıkalyq MMA sheberi tehnıkalyq nokaýtpen jeńiske jetti.