ASYQQAN ARBAMEN KITAP ALAR

Ortalyq Azııa elderi boıynsha Qazaqstanda tuńǵysh ret “Telelıft” júıesi iske qosyldy Búkilálemdik kitaphana kúnine oraı Astanadaǵy Ulttyq kitaphanashy­lar­dyń “Ashyq esik kúni” ótti. Bir aıta keterligi, osydan 6 jyl buryn QR Ulttyq akademııalyq kitaphanasyn qurý jóninde Úkimettiń qaýlysy shyqqan bolatyn. Sharaǵa Mádenıet mınıstrligi máde­nıet komıtetiniń tóraǵasy I.Qozybaev, UAK bas dırektory R.Otarbaev, “KONEK” JAQ (Máskeý, RF) elektron­dyq resýrstar bóliminiń jetekshisi E.Eronına, kitaphana isteriniń ardager­leri, Prezıdenttik máde­nıet ortalyǵy, Alǵashqy Prezıdent murajaıy, Parla­ment Májilisi, Prezıdent janyndaǵy memlekettik basqarý akademııa­sy, Astana qalasy joo-nyń, kolledjderdiń kitap­hanashylary qatysyp, rýhanı salaǵa baılanysty ózara pikir almasty. Alty jylda sandyq tehnologııalardy engizý kóshbasshysyna aınalyp qana qoımaı, Ulttyq kitaphana ózge kitap­hanalar úshin de ádistemelik ortalyqqa aınaldy. Munda merzimdi basylymdar, kitaphana isi jónindegi anyqtamalyq ádebıetter, túrli konferensııalardyń jazbalary saqtalǵan kitaphanataný kabı­neti jumys isteıdi. Budan basqa “Kitap­hananyń altyn kezeńi” derek baza­sy quryldy, “Kitaphana isi jáne aqparat­tyq qyzmet” arqyly Istvıý derek bazasyna qol jetkizýge bolady, “Búgingi kitaphana”, “Qazaqstan kitaphanalar basy­­lymdary”, “Bizdiń jobalar” kórme­leri jumys istep tur. Sonymen birge alǵash ret eki tilde elordadaǵy 108 kitap­hana týraly “Astana kitaphanalar anyqta­masy” basy­lyp shyqty. Anyqtama Astana kitaphana­larynyń bir-birimen baılanys ornatý, ózara yntymaqtastyqty úıles­tirý, kitap­hana qyzmetkerleriniń bilikti­ligin, áleý­mettik ınstıtýt retinde kitap­hana dárejesin arttyrý úshin asa mańyz­dy. Ashyq esik kúniniń maqsaty – ádiste­melik ortalyq Astana kitaphana­larynyń ınnova­sııalyq qyzmetin damytýǵa qoldaý kórsetý men kásibı sheberligin jetildirýdi kózdeıdi. Baǵdarlamanyń basty bóligi “QR UAK – kitaphananyń jańa formaty” dep atal­dy, sondaı-aq, “Qazirgi kitaphananyń elektron­­dyq qyzmeti – QazUEK”, derek­ter bazasy, qashyqtan oqıtyn oqyr­man, telelıft, “QR UAK – Astana kitap­hana­lary úshin ádistemelik ortalyq” degen habar­lamalar oqylyp, UAK shyǵa­ratyn “Kitap patshalyǵy” jýrnaly­nyń tusaý­keseri ótti. Kitaphana qonaqtary “Kitaphanalyq kásibı qyzmet”, “Qazaqstan – jasampaz jetistikter jolynda”, “Aımaqtyq kitaphanalar basylymdary”, “QR UAK baspalyq qyzmet”, “J.Moldaǵalıevtiń 90 jyldyǵy”, “Qazaqstan ǵylymy”, “Áýendi Qazaqstan”, “Mamandyq áleminde”, “Kitap jańalyqtary”, “QR UAK bergen syılar” fotokórmelerimen tanysty. Kitaptar men jýrnaldar satyldy. Ashyq esik kúniniń basty jańalyǵy – Astana kitaphanashylary “Telelıft” monorelstik transporttyq júıemen tanysty. Ol jańadan iske qosylǵan joba. Bul jobanyń nátıjesinde saqtaý qor­larynan kitaptar men basqa da qujattar oqý zalyna sanaýly mınótterde jetkizi­ledi. “TELELIFT” júıesi oqyrmandarǵa qyzmet kórsetý dárejesin arttyrýdaǵy basty qadamnyń biri bolyp sanalady. “TELELIFT” júıesi Ortalyq Azııada tuńǵysh ret ornatylyp otyr. TMD elderi­niń ishinde Qazaqstan “telelıft” adrestik júıesi engizilgen ekinshi el bolyp sanalady. Eń birinshi bul júıe Belo­rýssııada júzege asqan. Belorýssııanyń Ulttyq kitaphana­synda ol – 5 jyldan beri qoldanysta. “Telelıft” UAK-nyń barlyq zal­daryn­da ornatylǵan. Jolynyń uzyndyǵy – 450 metr. Eń alshaq stansııalar arasy – 5 mınóttan aspaıdy. Barlyǵy – trassada 16 stansııa jáne arbalardyń baǵytyn ózgertý úshin 13 nusqaýshy tetik ornatylǵan. Arbaǵa 10 kıloǵa deıin ádebıet tıeledi. Arbada qaýipsizdiktiń erejesi barynsha saqtalǵan. Ol qaıbir keńistikte qozǵalyp, buryshy qaı jaqqa qaraı ózgerse de sebetshe aýyrtpa­lyqtyń ózgerip otyrýyna baıla­nysty bir qalypta bolady. Sondyqtan kitap­tar qozǵalmaıdy jáne búlinbeıdi. Oqyr­mannyń tapsyry­syn oryndaıtyn kitap saqtaý kitap­hanashysy operatorlyq pýlt arqyly qozǵalystyń baǵytyn ózi ózgertedi. Bir­neshe mınót ótken soń oqý zalyndaǵy oqyr­man ózi bergen tapsyrysty qolyna alady. “Egemen-aqparat”.