Qazaqstandaǵy kınoteatrlar pandemııadan keıin shyǵynǵa batty. Karantınge baılanysty 9 aı boıy jumys istemegendikten elimizdegi birqatar kınozaldar jabylyp qaldy, dep habarlaıdy Egemen.kz.
Ulttyq kınony qoldaý memlekettik ortalyǵynyń derekterine súıensek, shekteý sharalaryna deıin elimizde 102 kınoteatr jumys istegen. Ondaǵy kınokórsetilimderden jyl saıyn shamamen 18 mıllıard teńge kóleminde qarjy túsken.
Kórsetilgen qazaqstandyq fılmder sany 14,5 prosentten 7,4 prosentke deıin tómendegen. Bul kórsetkishti oıyn-saýyq ındýstrııasy salasyn zertteýmen aınalysatyn iri halyqaralyq kompanııa rastap otyr. Kınozaldardaǵy adam sanynyń azaıýyna baılanysty engizilgen shekteýlerden salanyń ishki qaryzdary da ósken.