Bul týraly Azamattyq bastamalardy qoldaý ortalyǵynyń baspasóz qyzmeti málimdedi, dep jazady Egemen.kz.
«Jastar arasynda sýısıdtiń aldyn alý boıynsha sharalar keshenin ázirleý jáne iske asyrý» jobasy aıasynda qazaqstandyq ata-analar men qamqorshylar úshin trenıngter toptamasy ótti. Josparǵa sáıkes 1000 ata-anany oqytý kózdelgen, biraq uıymdastyrýshylardyń aıtýynsha, is-sharaǵa 1200-den astam adam qatysqan.
Joba úılestirýshisi Aıgúl Beımishovanyń aıtýynsha, onlaın-oqýdan ótken ata-analardyń basym bóligi Shyǵys Qazaqstan oblysynan kelgen, al eń kóp suraqtar Qostanaı oblysynyń tyńdaýshylarynan qoıyldy.
«Biraq ata-analar qaı aımaqtan qatyssa da, olardy tolǵandyrǵan suraqtar uqsas boldy. Mazasyz minez-qulyq belgilerin qalaı tanýǵa bolady? Balalarmen ortaq tildi qalaı tabýǵa bolady? Jasóspirimderdi tragedııadan qorǵaý úshin eresekter ne isteýi kerek? degen sekildi surqtar keldi», dedi A.Beımisheva.
Tamyz aıynan bastap joba aıasynda berilgen bilimdi jergilikti deńgeıde odan ári taratý úshin oblystyq deńgeıdegi jattyqtyrýshylarǵa arnalǵan trenıngter ótedi.
Sonymen qatar jaqyn arada Qazaqstanda alǵash ret «Qazaqstan jastary arasynda sýısıdtiń aldyn alý boıynsha profılaktıkalyq is-sharalardyń sapasyn baǵalaý atlasy» jáne «Jas adamnyń áleýmettik-psıhologııalyq salaýattylyq ındeksi» ázirlenetin bolady.
Jasóspirimder sýısıdiniń aldyn alý jobasyn Azamattyq bastamalardy qoldaý ortalyǵynyń qoldaýymen «Qazaqstannyń teń quqyqtary men teń múmkindikteri ınstıtýty» QQ júzege asyrady.