Aqjaıyq aýyly – Mahambet aýdanynda ornalasqan okrýgtiń biri. Jaıyq ózeniniń jaǵasynan qashyq emes iri eldi mekende egin sharýashylyǵy qanat jaıǵan. Qazir munda 4 gektar aýmaqta iri jylyjaıdyń qurylysy qolǵa alynypty.
«Jumaǵalıeva N» sharýa qojalyǵynyń jetekshisi Ospan Almastyń aıtýynsha, atalǵan jobanyń quny 1,4 mlrd teńgeni quraıdy. Ony bıylǵy tórtinshi toqsanda iske qosý josparlanyp otyr.
– Qurylys alańynda 14 adam jumys isteıdi. Qazir jylyjaı nysanynyń qabyrǵasy qurastyryla bastady. Elektr men gaz jelisi tartyldy. Bul jylyjaı iske qosylǵanda 350 adamdy jumyspen qamtýdy josparlap otyrmyz. Munda jylyna 350 tonnany quraıtyn qııar men qyzanaq ósiriledi, – deıdi O.Almas.
Oblys ákimi Mahambet Dosmuhambetovtiń aıtýynsha, memleket tarapynan aýyl sharýashylyǵy salasyn damytýǵa kórsetiletin qoldaý kóp. Al munaıly óńirge azyq-túlik beldeýin qurý úshin dál osyndaı jobalar qajet. О́ıtkeni turǵyndarǵa sapaly ári arzan kókónis ónimderin usynýdy kózdeıtin bul jylyjaıda da jumys oryndary ashylady. Jylyjaı ónimderi jergilikti naryqtaǵy baǵanyń turaqtanýyna yqpal etedi.
Atyraý oblysy