Kásipqoı boksta orta salmaqta óner kórsetetin qazaqstandyq boksshy Danııar Eleýsinov (10-0, 6 KO) jeltoqsan aıyndaǵy jekpe-jegin Qazaqstan astanasynda ótkizedi. Bul týraly boksshynyń menedjeri Zııa Alıev málimdedi, dep habarlaıdy Egemen.kz.
Sondaı-aq sol boks keshiniń anderkartynda taǵy bir qazaqstandyq boksshy Ivan Dychko (10-0, 10 KO) da óner kórsetedi. Asa aýyr salmaqtaǵy boksshyǵa ózinen myqty qarsylas izdep jatyrmyz deıdi Z.Alıev.
«Úlken shoý úshin biz jeltoqsan aıyn tańdap aldyq. Oǵan deıin Danııar syrtta myqty qarsylaspen bir jekpe-jek ótkizýi tıis. Ivan Dychko keshe ǵana jekpe-jek ótkizgenine qaramastan jeltoqsanǵa deıin taǵy bir qarsylaspen baq synap kórýi kerek. Ekeýine de myqty qarsylas tańdaımyz», dedi menedjer.
Zııa Alıev qazir qazaqstandyq boksshylarǵa qarsylas izdep jatqanyn málimdedi.
Eske salaıyq, Danııar Eleýsinov sońǵy jekpe-jegin byltyr qarasha aıynda álemniń eks-chempıony, namıbııalyq Djýlıos Indongony jeńgen bolatyn. Al, Ivan Dychko bıyl 10 shildede Almatyda ótken boks keshinde reseılik Denıs Bahtovty nokaýtpen jeńdi.
Aıta ketý kerek, Dychko kásipqoı boksta ótkizgen 10 jekpe-jeginiń bárin nokaýtpen jeńgen.