2013 jylǵy 22 qarasha, Astana qalasy
Mádenıet uıymdarynyń keıbir qyzmetkerlerine kásibı sheberligi úshin qosymsha aqy tóleý qaǵıdalaryn bekitý týraly
«Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysyna sáıkes buıyramyn:1. Qosa berilip otyrǵan Mádenıet uıymdarynyń keıbir qyzmetkerlerine kásibı sheberligi úshin qosymsha aqy tóleý qaǵıdalary bekitilsin.2. Qazaqstan Respýblıkasy Mádenıet jáne aqparat mınıstrliginiń Mádenıet komıteti:1) osy buıryqtyń Qazaqstan Respýblıkasy Ádilet mınıstrliginde memlekettik tirkeýin;2) osy buıryqtyń belgilengen tártippen resmı jarııalanýyn;3) osy buıryqtyń Qazaqstan Respýblıkasy Mádenıet jáne aqparat mınıstrliginiń ınternet-resýrsynda ornalastyrýyn qamtamasyz etsin. 3. Osy buıryq alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi.
Mınıstr M.Qul-Muhammed.
Qazaqstan Respýblıkasy Mádenıet jáne aqparat mınıstriniń2013 jylǵy 22 qarashadaǵy № 271 buıryǵymen bekitilgen
Mádenıet uıymdarynyń keıbir qyzmetkerlerine kásibı sheberligi úshin qosymsha aqy tóleý qaǵıdalary
1. Jalpy erejeler1. Osy Mádenıet uıymdarynyń keıbir qyzmetkerlerine kásibı sheberligi úshin qosymsha aqy tóleý qaǵıdalary (budan ári - Qaǵıda) «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysyna sáıkes ázirlengen jáne teatr ártisteriniń men kıno akterleriniń, opera jáne balet teatry ártisteriniń, konserttik uıymdar ártisteriniń kásibı sheberligi úshin qosymsha aqy tóleý tártibin aıqyndaıdy. 2. Qosymsha aqy tóleýdiń maqsaty materıaldyq yntalandyrý arqyly teatr ártisteri men kıno akterleriniń, opera jáne balet teatry ártisteriniń, konserttik uıymdar ártisteriniń kásibı sheberligi jáne shyǵarmashylyq áleýettin kóterý. 3. Qosymsha aqy belgileý memlekettik kásiporynnyń tıisti qarjy jylyna bekitilgen damý josparymen eńbekaqy tóleý qory esebinen jáne qor sheginde júzege asyrylady.
2. Teatr ártisterine, kıno akterlerine, opera jáne balet teatry ártisterine, konserttik uıymdardyń ártisterine kásibı sheberligi úshin qosymsha aqy tóleý tártibi
4. Teatr ártisterine, kıno akterlerine, opera jáne balet teatry ártisterine, konserttik uıymdardyń ártisterine kásibı sheberligi úshin qosymsha aqy mynadaı krıterıılerden belgilenedi:1) aǵymdaǵy repertýardaǵy jumyspen qamtylý ıkemdiligi;2)oryndaýshylyq sheberligi;3) oblystyq (óńirlik), respýblıkalyq, halyqaralyq konkýrstar men (nemese) festıvalderdiń laýreattary. Oryndaýshylyq sheberlikti retinde shyǵarmashylyq bilimdi, daǵdyny jáne ádisterdi qoldana bilýdi túsiný qajet.5. Teatr ártisterine, kıno akterlerine, opera jáne balet teatry ártisterine, konserttik uıymdardyń ártisterine kásibı sheberligi úshin qosymsha aqy mólsheri kásibı sheberlikti anyqtaıtyn kórkemdik jetekshiniń, tıisti qurylymdyq bólimshe jetekshisiniń nemese onyń orynbasarynyń qosymsha aqyny belgileý týraly jazbasha usynysy negizindegi uıym jetekshisiniń buıryǵymen júzege asyrylady.6. Usynysta kelesi málimetter kórsetiledi:tegi, qyzmetkerdiń aty, ákesiniń aty (bar bolǵan jaǵdaıda);jumysshynyń laýazymy;repertýarlyq paraq týraly qysqasha aqparat;qosymsha aqy tóleý negizdemesi jáne mólsheri.7. Teatr ártisterine, kıno akterlerine, opera jáne balet teatry ártisterine, konserttik uıymdardyń ártisterine kásibı sheberligi úshin qosymsha aqy osy Qaǵıdanyń 4-tarmaǵynda aıqyndalǵan krıterıılerge sáıkes laýazymdyq jalaqyǵa paıyzdyq qatynasta myna mólsherde júzege asyrylady:1) aǵymdaǵy repertýardaǵy jumyspen qamtylý ıkemdiligi úshin – laýazymdyq jalaqydan 25 %-ǵa deıin;2) oryndaýshylyq sheberligi úshin – laýazymdyq jalaqydan 25 %-ǵa deıin;3) oblystyq (óńirlik), respýblıkalyq, halyqaralyq konkýrstar men (nemese) festıvalderdiń laýreattary – laýazymdyq jalaqydan 20 %-ǵa deıin.8. Teatr ártisterine, kıno akterlerine, opera jáne balet teatry ártisterine, konserttik uıymdardyń ártisterine kásibı sheberligi úshin qosymsha aqynyń jalpy mólsheri laýazymdyq jalaqydan 50 %-ǵa deıin belgilenedi.9. Teatr ártisterine, kıno akterlerine, opera jáne balet teatry ártisterine, konserttik uıymdardyń ártisterine kásibı sheberligi úshin qosymsha aqy eńbekaqymen aı saıyn birge esepteledi.10. Kásibı sheberligi úshin qosymsha aqy tóleý kúntizbelik jyl boıyna qoldanylady jáne qajettiligine qaraı qaıta qaralady.
Buıryq Qazaqstan Respýblıkasynyń Ádilet mınıstrliginde 2013 jylǵy 24 jeltoqsanda Normatıvtik quqyqtyq kelisimderdi memlekettik tirkeýdiń tizilimine №9017 bolyp engizildi.