Prezıdent Qasym-Jomart Toqaev Belgııa Koroli Fılıppke kóńil aıtý jedelhatyn joldady, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy «Bernd» sıklonynan týyndaǵan tolassyz jańbyr men sý tasqyny saldarynan kóptegen adamnyń qaza tapqany týraly sýyt habardy zor kúızelispen qabyldady.
«Osyndaı aýyr sátte jaqyndarynan aıyrylǵan azaly otbasylardyń orny tolmas qaıǵylaryna ortaqtasa otyryp, Sizge jáne búkil belgııalyqtarǵa Qazaqstan halqynyń jáne jeke ózimniń atymnan kóńil aıtamyn. Tabıǵı apattan jaralanǵandardyń tez arada saýyǵyp ketýine jáne iz-tússiz joǵalǵandardyń aman-esen otbasylaryna oralýyna tilektestik bildiremin», delingen jedelhatta.