Almaty qalasy "Qalqaman" yqsham aýdanynda 500-ge jýyq otbasy jylýsyz otyr. Turǵyndardyń aıtýynsha, eki aptadan beri úılerine tartylǵan kógildir otynnyń kúshi tómendep, jańa jyldy da jylýsyz qarsy alǵan. Bul týraly «31 arna» habarlady.
Qańtardyń qara sýyǵy qysqan qarasha halyq, tusaýy taıaýda ǵana kesilgen kógildir otynnan qaıyr bolmaı tur dep qapaly. Páterlerinde qalyń kıimderin kıip, qymtanǵan halyq, gaz beretin mekemeden góri, jergilikti ákimdiktiń qaıyrymynan dámeli. Jalpy, eki aptadan beri azynaǵan úılerde otyrǵan turǵyndar úıdiń ishi men dalanyń temperatýrasy teńdeı deıdi.
Telearna tilshisiniń aıtýynsha, turǵyndar "Almatygaz" mekemesine birneshe ret barǵan. Biraq, olardyń ótinishine eshkim qulaq aspaǵan sekildi. Sondyqtan aýdan ákimdigine úmit artyp otyr. Al buqaralyq aqparat quraldary ókilderi osy másele boıynsha aýdan ákimdigindegi jaýapty qyzmetkerlermen tildespek bolǵanynda, olar jaýap berýden bas tartypty. Bizge kelip túsken sońǵy aqparatta turǵyndardyń sýyq úıde otyrǵany azdaı, jaryqtarynyń da sónip qalǵany týraly jazylǵan.
Baqytbek Keneshuly.
Derekkóz: «31 arna»
Foto: «31 arna».