30 shilde men 29 tamyz aralyǵynda Japonııanyń tarıhı jáne kórikti jerlerine tegin onlaın týr uıymdastyrylady, dep habarlaıdy Egemen.kz.
Kóptegen japondyqtar men sheteldikter Tokıo olımpıadasyn asyǵa kútti, biraq karantın talaptaryna baılanysty jarysqa kirýge tyıym salyndy. Sáıkesinshe, City Cast júıesine qajetti eriktiler sany da azaıdy. Osyǵan baılanysty Nippon Foundation eriktilerdi qoldaý ortalyǵy aqysyz onlaın týr ótkizýdi josparlap otyr.
«89 eriktiden quralǵan 20 komanda City Cast-i basqaratyn jergilikti ákimshiliktermen birlesip, barlyq talapqa saı keletin onlaın-kontent jasap jatyr. Onda eriktiler Airbnb platformasyn qoldana otyryp, jarys alańdary týraly aǵylshynsha, japonsha aqparat taratady. Joba kórermenderiń saıahat aýrasyn az da bolsa sezinýi úshin jasalýda», dep jazylǵan maqalada.
Atap aıtqanda, týrlar kelesi taqyryptarda uıymdastyrylady:
«Tokıodaǵy tanymal jaǵalaýǵa nusqaýlyq: Asakýsa, Sýmıda ózeni, Odaıba» (aǵylshyn tilinde);
Samýraılardy izdestirý: Hokýsodaǵy ulttyq mura sanalatyn Narıta men Sakýraǵa qysqa saıahat (aǵylshyn tilinde);
«Qaıta qurýǵa kómek alǵysy: Mıagı prefektýrasynyń Hıgasımasýsıma qalasyndaǵy kórikti jerler men dámdi taǵamdar» (aǵylshyn tilinde);
«Tokıo geografııasy, tarıhymen tanysý, paralımpıadalyq marafon ótetin jerler» (japon tilinde).