Atyraý men Batys Qazaqstan oblystaryn jalǵaıtyn kúre jolda eki kólik soqtyǵysty. Jol apatynan júrgizýshi qyz kóz jumdy, dep habarlaıdy Egemen.kz.
Oblystyq polısııa departamenti baspasóz qyzmetinen málim etkendeı, jol-kólik oqıǵasy 17 shildede saǵat 21:30 shamasynda bolǵan.
«Atyraý-Oral» baǵytyndaǵy jolda «Hyundai Accent» pen «Gazel» kóligi soqtyǵysqan. Jol apatynan oqıǵa ornynda «Hyundai Accent» kóliginiń 20 jasar júrgizýshisi mert boldy», dep habarlady departamenttiń baspasóz qyzmeti.
Qazir atalǵan derek QR Qylmystyq Kodeksiniń 345-babynyń 3-bóligimen tergelip jatyr.