Almaty oblysynyń kásipkerlik jáne ındýstrıaldy-ınnovasııalyq damý basqarmasynyń bastyǵy men kelisimshart jasaýshy uıym basshylyǵyna qatysty asa aýyr sybaılas jemqorlyq qylmystar jasady degen kúdikpen sotqa deıingi tergeý bastaldy, dep habarlaıdy Egemen.kz.
«Bólim bastyǵy JShS basshylyǵynan 666 mıllıon teńgelik kelisimsharttyń 15% quraıtyn aldyn ala kelisilgen 90 mıllıon teńgeniń 33 500 AQSh dollaryn para retinde aldy degen kúdikke ilindi. Ol parany JShS-ni memlekettik satyp alý konkýrsynyń jeńimpazy dep taný jáne «Bıznestiń jol kartasy-2025» bıznesti damytý memlekettik qoldaý baǵdarlamasy aıasynda bólingen qarajat esebinen salynyp jatqan obektide oryndalǵan jumys kólemin odan ári kedergisiz qabyldaý úshin alǵan», delingen Sybaılas jemqorlyqqa qarsy qyzmet habarlamasynda.
Departamenttiń naqtylaýy boıynsha, merdiger uıymnyń laýazymdy adamy, quryltaıshysy jáne dırektory asa iri kólemde para aldy jáne para berdi degen kúdikpen ustalyp, Almaty oblysynyń ýaqytsha ustaý ızolıatorlaryna qamaldy.
«Profılaktıkalyq sharany tańdaý máselesi sheshilýde. Tergeý amaldary jalǵasýda. QR Qylmystyq is júrgizý kodeksiniń 201-babyna sáıkes, tergeý múddelerine qatysty basqa aqpara jarııa etýge jatpaıdy», dedi Sybaılas jemqorlyqqa qarsy qyzmet.