Shymkent qalalyq kózi kórmeıtin jáne álsiz kóretin azamattarǵa arnalǵan arnaıy kitaphanada Ulybrıtanııanyń Glazgo ýnıversıtetiniń doktoranty Zeınýllın Maralbekpen kezdesý ótti, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Kezdesý barysynda doktorant óziniń ǵylymı jobasy aıasynda zaǵıptar men nashar kóretinderge arnalǵan mobıldi qosymsha jobasyn tanystyrdy. Innovasııalyq jobasynda kompıýterlik kórý jáne jasandy ıntellekt salasyndaǵy sońǵy ázirlemeler men algorıtmderdi qoldanǵan.
Jańa jobamen kitaphana oqyrmandary men qyzmetkerleri birinshi bolyp tanysyp, baǵalaýǵa múmkindik aldy. Arnaıy kitaphana tarapy jobanyń odan ári damýyn asyǵa kútedi.
Aıta keteıik, Shymkent qalalyq kózi kórmeıtin jáne álsiz kóretin azamattarǵa arnalǵan arnaıy kitaphana 1969 jyldan bastap zaǵıp jandarǵa úzdiksiz qyzmet kórsetip keledi. Sheksiz múmkindikterge qol jetkizgen kitaphana oqyrmandary búginde barlyq salanyń belsendisi deýge bolady.