BQO-da daýyl turǵyn úıler men áleýmettik nysandarǵa zaqym keltirdi. Jeldiń ekpini sekýndyna 26 metrge deıin jetken, dep habarlaıdy Egemen.kz.
Daýyldyń artynan nóser seldetken. Mıchýrın aýylynda qos qabatty úı men balabaqshanyń shatyry ushyp ketti. Qaraqudyq aýylynda 2 jeke baspana men mádenıet úıiniń tóbesi qırady. Áıteýir adamdar zardap shekpegen. Qazir kún raıy turaqtalyp, kún ashyldy.
Shyǵyn kólemin arnaıy komıssııa anyqtaıdy. Arnaıy komıssııanyń quramyna jergilikti atqarýshy organdar kiredi jáne TJD-nyń ókilderi bolady», deıdi BQO TJD bastyǵynyń orynbasary Arman Toqanov.