2021 jylǵy 21 shilde kúni saǵat 19:30 shamasynda Aqtaý qalasy PB patrýldik polısııa batalonynyń «Mıraj-5» ekıpajy qyzmetkerleri berilgen marshrýtty patrýldeý kezinde «Shyǵys-2» shaǵyn aýdanynda úsh kóliktiń qatysýymen jol-kólik oqıǵasyn baıqady, dep jazady Egemen.kz.
Hyundai Accent avtokóliginiń júrgizýshisi basty qozǵalys baǵytynda qozǵalyp kele jatqan Mercedes-Benz avtokóligine jol bermeı, soqtyǵysqan. Sonymen qatar, Hyundai Accent avtokóligi Mitsubishi Pajero kóligimen soqtyǵysty. Eki kólik quralymen soqtyǵysý saldarynan Hyundai Accent kóligi aýdaryldy. Zardap shekkender Mańǵystaý oblystyq aýrýhanasyna jetkizildi. Tergeý amaldary júrgizilýde.