Qazaqstanda sement ımportyna salynǵan tyıym 2021 jylǵy 23 shildeden bastap alynyp tastaldy, dep jazady Egemen.kz QR IIDM baspasóz qyzmetine silteme jasap.
Endi sementti klınkerler, portlandsement, ózge de portlandsement, glınozemdi sement, gıdravlıkalyq sementterdi (EAEO SEQ TN kody 2523100000, 2523290000, 2523300000, 2523900000) úshinshi elderden alýǵa bolady.
Importqa salynǵan tyıymdy alyp tastaý arqyly batys óńirlerde naryq tolyǵyp, respýblıka aýmaǵynda sement óniminiń baǵasy tómendeıdi.
Esterińizge sala keteıik, otandyq sement óndirýshilerdi qoldaý úshin QR Indýstrııa jáne ınfraqurylymdyq damý mınıstrligi úshinshi elderden sement ımportyna tyıym salý týraly 2021 jylǵy 30 sáýirdegi №216 buıryq shyǵarǵan edi. Alaıda, qoǵamda sement baǵasynyń ósýine jáne onyń ishki naryqtaǵy jetispeýshiligine qatysty máseleler paıda boldy. Osyǵan oraı Mınıstrlik syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń qaraýyna atalǵan tyıymdy joıý týraly buıryq jobasyn usyndy.