Nur-Sultan qalasynyń ákimi Altaı Kólginov qala halqyn shuǵyl túrde ekpe alýǵa úndedi, dep jazady Egemen.kz.
«Qala turǵyndary kún saıyn jolda, jumysta, týystarymen jáne t.b. adamdarmen aralasady. О́kinishke qaraı, bári birdeı qaýipsizdik sharalaryn saqtaı bermeıdi. Sanıtarlyq normalardy jáne ózin-ózi qorǵaýdyń qarapaıym tásilderin saqtamaý qaterge bas tigýmen teń. Mundaı jaǵdaıda adam ómiri men densaýlyǵyna qaýip tónedi.Bárińizdi shuǵyl túrde ekpe alýǵa shaqyramyn. Vaksınasııa ǵana sizdi jáne otbasyńyzdy reanımasııadan, aýrýdan keıingi ońaltý kýrsynan, antıbıotıkter men ózge de aýyr dári-dármekter qabyldaýdan saqtaıdy.Vaksınasııanyń mańyzyn elordadaǵy qurylys kompanııalarynyń ókilderimen de talqyladyq. Bıyl jumys kóp. Qoljetimdi turǵyn úı qurylysynyń kólemi, oqý oryndardyń, áleýmettik nysandardyń qurylysy jáne t.b. artpaq. Alaıda ujymdyq ımmýnıtet qalyptaspasa, qurylys jumystary toqtatylady. Vaksınasııa arqyly ǵana ujymdyq ımmýnıtetti damyta alamyz», dep jazdy Altaı Kólginov óziniń Instagram paraqshasynda.