El tarıhyndaǵy aýyl ákimderin tuńǵysh ret tikeleı saılaý kúni jetti. Búgin Almaty oblysynda saıası báseke óz bastaýyn aldy. Sonymen, Jetisý ólkesiniń 71 aýyldyq okrýgine sý jańa ákim taǵaıyndalatyn bolady, dep habarlaıdy Egemen.kz.
Áýelde, saıası dodada baq synaýshylardyń sany 279 bolsa, qazirgi tańda 235-ti qurap otyr. 44 úmitker túrli sebeptermen kandıdattar qatarynan alynyp qaldy. Saılaýǵa túsishilerdiń 82-i saıası partııa ókilderi bolsa, 153 adam ózin-ózi usynýshylar bolyp tabylady.
«Buǵan deıin Ile aýdany, Chapaev aýylynda 9 kandıdat tirkeldi dep aıtylǵan bolatyn. Búginde resmı derekter, atalǵan óńirde 5 saılaýǵa túsýshi úmitker qalǵanyn rastaýda. Ákimdikke úmitkerler eń kóp tirkelgen aımaq retinde Talǵar aýdany tanylyp otyr. Munda bir orynǵa 6 adamnan aınalýda», deıdi Almaty oblysy saılaý komıssııasynyń múshesi Qaharman Jaqsylyq.
Aıta ketsek, Nur-Sultan ýaqytymen tańǵy saǵat 7:00-den bastap oblystaǵy barlyq saılaý ýchaskeleri óz jumysyn bastady. Tarıhı sátte óńirdiń 220 myńnan astam turǵyny daýys berýge qatysady dep kútilýde.