Qarjylyq monıtorıng agenttigi bloger Ilıarǵa (Ilıar Iývashev) memleketaralyq izdeý jarııalanǵanyn habarlady. Ol zańsyz ınternet-kazıno qyzmetin uıymdastyrýǵa kómektesti degen kúdikke ilingen, dep habarlaıdy Egemen.kz.
Tergeý málimetinshe, Iývashev 2024-2025 jyldary lısenzııasyz jumys istegen onlaın-kazıno jelisin qurýǵa jáne basqarýǵa qatysqan. Sonyń ishinde mellstroy.game resýrsy da bar. Qarjy aınalymy 22 jalǵan kompanııa arqyly júrgizilip, POS-termınaldar men elektrondy tólem júıeleri arqyly oıynshylardan 3,6 mlrd teńgeden astam qarajat túsken.
Onlaın-kazınodan túsken tabys tárkilendi: Porsche men Lexus memleket kirisine ótti
Quzyrly organdar blogerdiń júrgen jeri týraly aqparatty Astana qalasyndaǵy ekonomıkalyq tergeý departamentine habarlaýdy suraıdy. Aqparat bergenderge syıaqy tólenip, qupııalylyq saqtalady.
Sonymen qatar, bul is boıynsha Belarýs azamaty, bloger Andreı Býrım da tergelip jatyr. Ol ınternet-kazınony jarnamalaý úshin túrli baıqaýlar men chellendjder uıymdastyrǵan. Qatysýshylar TikTok, YouTube Shorts sııaqty platformalarda vıdeo túsirip, kazınony nasıhattaǵan.
Zańsyz kazıno uıymdastyrýshylardan 420 mln teńgeniń múlki tárkilendi