Qazaqstanda sońǵy eki aıda 200-den astam egiz sábı ómirge kelgen. Statıstıkaǵa kóz salsaq, 2025 jyly elde 3 367 jup egiz jáne 25 úshem týǵan. Kórsetkishterdiń salystyrmaly túrde joǵary bolýy elimizdegi reprodýktıvtik densaýlyq pen medısınalyq qyzmetterdiń sapasy artqanyn kórsetedi, dep habarlaıdy Egemen.kz.
Medısına mamandardyń aıtýynsha, elimizde merziminen buryn týǵan nárestelerdiń úlesi azaıyp keledi. 2023 jyly 7,3% bolsa, 2024 jyly bul kórsetkish 6,2%-ǵa tústi.
Referendým kúni Almatyda 44 sábı dúnıege keldi
Elde ana men bala densaýlyǵyn qorǵaý júıesi úzdiksiz damyp, osy baǵytta birneshe mańyzdy sharalar júzege asyrylyp jatyr:
aldyn alý baǵdarlamalary keńeıtilip, áıelderdiń júktilikti josparlaýdan bastap bosanǵanǵa deıingi kezeńde sapaly medısınalyq kómek alý múmkindigi artty; perınataldy ortalyqtar jańartylyp, zamanaýı medısınalyq jabdyqtar men tehnologııalar engizilip jatyr; áıelderdi áleýmettik jáne psıhologııalyq qoldaý kúsheıtilýde, bul ásirese kópbalaly otbasylar men jas analar úshin mańyzdy.Sonymen qatar, reprodýktıvtik baǵdarlamalarǵa erekshe kóńil bólinip keledi. Sońǵy jyldary EKO (jasandy uryqtandyrý) arqyly da myńdaǵan bala dúnıege kelgen.