Oblystyq aýmaqtyq saılaý komıssııasynyń tóraǵasy Azamat Aımanakýmovtyń málimetine súıensek, 18 aýyldyq okrýg ákiminiń saılaýyna daýys berý 36 saılaý ýchaskesinde jalǵasyp jatyr, dep habarlaıdy Egemen.kz.
«Ár saılaý ýchaskesinde sanıtarııalyq talaptar qatań saqtalýda. О́ńirdegi 18 saılaý okrýgindegi saılaý ýchaskelerinde 125 baıqaýshy tirkelip, saılaý úderisin qadaǵalaýda. Onyń ishinde úmitkerlerdiń senim bildirgen 34 adamy bar. Al, saıası partııalar 27 baıqaýshy jiberdi. Sondaı-aq, qoǵamdyq birlestikter men kommersııalyq emes uıymdardyń 43 ókili baıqaýshy retinde tirkelgen. Al, buqaralyq aqparat quraldarynan 21 ókili saılaý barysyn qadaǵalap júr», deıdi Azamat Aımanakýmov.
Onyń aıtýynsha, jergilikti ýaqytpen saǵat 16:00-de saılaýshylar tizimindegi 44 305 adamnyń 62 paıyzy daýys berip úlgerdi. Saılaýshylardyń belsendiligi Atyraý qalasynda 58%, Jylyoı aýdanynda 66,9%, Inderde – 71,2%, Isataıda – 69,5%, Qurmanǵazyda – 56,2%, Qyzylqoǵada – 66,1%, Mahambet aýdanynda 63,6%-dy qurady.