Altyn satyp alý azaımaıdy

Ulttyq Bank halyqqa tazar­tyl­ǵan altyn quımalardy satý jáne satyp alý baǵdarlamasyn 2017 jyly iske qosqan edi. Baǵ­dar­lama júzege asqaly jalpy salmaǵy 2,1 tonna 57 968 altyn quıma satylǵan. Naryqta jalpy al­tyn quımalarynyń bes túri usy­nylady: 5, 10, 20, 50 jáne 100 grammdyqtar. Satyp alýshylar arasynda eń kóp suranysqa ıe bolǵany – 10 gramdyq quıma. Onyń jalpy satylymdaǵy úlesi 30 pa­ıyz – 17 435 dana. Odan keıin 100 gramdyq quıma – 12 801 dana (22 paıyz) jáne 20 gramdyq quıma – 11 624 dana (20 paıyz), 5 gramdyq quıma – 9 336 dana (16 paıyz), 50 gramdyq quıma – 6 772 dana (12 pa­ıyz). Negizinen, ól­shen­gen quımalar Almaty, Nur-Sultan jáne Atyraý qalalarynda su­ra­nysqa ıe eken.

«Altyn quımalar senimdi ınves­­tı­sııalyq qural bola ala­dy. Bankter men banktik emes aıyrbastaý pýnktteriniń klıent­ke aqshasyn tólep, quı­ma­lardy «kúnbe-kún» satyp ala alatyn múm­kindigi – altyn quı­malar nary­ǵynyń ótimdiligin qamta­ma­syz etýde negizgi faktorǵa aınalyp otyr. Ár quıma qorǵanys ele­ment­terimen (quımalardyń aına beti, mıkrotekst jáne releftiń sheti), quımalardy mehanıkalyq zaqymdanýdan qorǵaıtyn jáne pakettiń ashylǵan-ashylmaǵanyn tekserýdi jeńildetetin arnaıy qaptamamen shyǵarylady. Qor­ǵa­nys qaptamasy, sonymen qatar quımanyń sapa sertıfıkaty bola alady. Sondyqtan quımany saqtaǵanda muqııat bolyp, oramany ashpaǵan jón», delingen Ult­tyq bank habarlamasynda.

Qazirgi ýaqytta altyn quıma­lar­dy Halyk Bank-te, Eýrazııalyq bankte, Jusan Bank-te, Bank SentrKredıtte, sondaı-aq banktik emes aıyrbastaý pýnktterinde satyp alýǵa jáne satýǵa bolady.

30 maýsymdaǵy jaǵdaı boıynsha elimizdiń altyn-valıýta qory 35,1 mlrd dollardy quraıdy. Bir aı ishinde 1,4 mlrd dollarǵa azaıǵan. Ulttyq banktiń habarlaýynsha dollardyń nyǵaıýyna baılanysty altyn baǵasy ýnsııa­syna 7 paıyzǵa (1892-den 1758 dollarǵa) arzandaǵan. Bul altyn baǵasynyń 2015 jyldyń qara­sha­sy­nan beri alǵash ret qul­dy­raýy.

Ulttyq bank tóraǵasynyń orynbasary Álııa Moldabe­ko­­va­nyń aıtýynsha, qordaǵy altyn­nyń úlesi – 62 paıyz. «Naýryz aıynda troıa ýnsııasy 1683 dollar bo­lyp, mamyrdyń basynda 1950-ge kó­terilip qalpyna kel­di. Son­dyq­tan altyn baǵasy qu­bylmaly bolyp tur.