Elordada maýsym aıynan bastap balalar arasynda koronavırýs ınfeksııasynyń ósýi baıqalady. Bul týraly №3 kópbeıindi qalalyq balalar aýrýhanasy dırektorynyń medısınalyq bólim jónindegi orynbasary, ınfeksıonıst dáriger Roza О́tegenova aıtty, dep habarlaıdy Egemen.kz qala ákimdigine silteme jasap.
«Otbasynda eresek adam aýyrsa, tipti jeńil túri bolsa da, balalardyń barlyǵyna bul aýrý juǵady. Búgingi kúni ınfeksııalyq ortalyqta KVI juqtyrǵan 110-nan astam bala emdelýde», deıdi dáriger.
Sondaı-aq, ol «Delta» shtammy óte agressıvti ekenin atap ótti, sondyqtan balalar bul indetti eresekterge qaraǵanda ońaı ári tez juqtyrady.
«Balalarda aýrý sımptomatıkalyq emes, klınıkalyq aıqyn formalarǵa deıin sozylady. Balalardaǵy negizgi belgiler – ıntoksıkasııa, dene qyzýy, kataraldy kórinister bolýy múmkin. Sondyqtan, bastapqyda qarapaıym vırýstyq ınfeksııalardan esh aıyrmashylyǵy joq dep aıta alamyz. Biraq dınamıkadan keıin asqynýlar bolýy múmkin, sonymen qatar sozylmaly aýrýlar bolǵan kezde balalarda sozylmaly patologııalardyń dekompensasııasy bastalýy múmkin. Bul jaǵdaıdyń nasharlaýyna alyp keledi», dedi Roza О́tegenova.
Drigerdiń pikirinshe, balanyń koronavırýs juqtyrǵanǵa deıingi densaýlyǵyna da nazar aýdarý kerek. Iаǵnı, eger ol KVI-ge deıin saý bolsa, aýrý jeńilirek túrde júredi.
«Aýrý aǵymynyń ereksheligi – olardyń ınfeksııalyq prosesi kez-kelgen kezeńde aıaqtalýy múmkin, ıaǵnı bala ne tez emdelip shyǵady nemese birden aýyr túrine jetedi. Inkýbasııalyq kezeń eresekterdegideı ótedi: 4-ten 14 kúnge deıin. Alaıda, balada qosymsha aýrýlary bolsa, onyń jaǵdaıy jyldam nasharlaýy nemese nasharlamaýy múmkin», deıdi maman.
Infeksııa asqynatyn negizgi orta eresekterdegi sekildi - ókpe. Biraq júrek, baýyr, asqazan-ishek joldary bolýy da múmkin. Sol sııaqty aýyr túrindegi sepsıs pen shok jaǵdaıyna deıin ákelýi múmkin. Sondaı-aq, balalardyń birden birneshe júıke júıesine áser etýi múmkin, bul denege teris áser beredi.
«Ata-analardyń bárine saqtyq sharalaryn qatań saqtaýyn, ásirese vaksınasııadan ótýi kerektigin aıtqymyz keledi. Negizinen ekpe almaǵan otbasylardyń balalary aýyr túrde aýyrady. Vaksınasııa alyńyz, ózińizdi jáne balalardy qorǵańyz! О́ıtkeni, kishkentaı balalar ózderiniń aýyryp qalǵanyn túsinbeýi múmkin, al keıin aýrý aýyr kúıde ótedi», dep qorytyndylady Roza О́tegenova.