Qyzylorda oblysynda toǵyz jasar bala kanaldyń sýyna batyp, kóz jumdy, dep habarlaıdy Egemen.kz oblystyq tótenshe jaǵdaılar departamentine silteme jasap.
Oqıǵa búgin, 27 shildede saǵat 13.40 shamasynda Aral aýdanyna qarasty Amanótkel eldi mekeni tusyndaǵy sýarmaly kanal boıynda boldy.
«Oqıǵa jónindegi habar oblystyq tótenshe jaǵdaılar departamenti órt sóndirý jáne avarııalyq-qutqarý qyzmetine 14.10-da kelip tústi. Jergilikti turǵyndar kúshimen balanyń denesi jaǵaǵa shyǵaryldy. Ol belgisiz jaǵdaıda sýǵa batyp ketken», dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.