Atyraý polıseıleri zańsyz elektrli qarýdy satqan dúkendi anyqtady, dep habarlaıdy Egemen.kz.
Oblystyq polısııa departamentiniń baspasóz qyzmetinen málim etkendeı, ǵalamtorda jarııalanǵan jarnamalarǵa taldaý júrgizilgen.
«Ákimshilik polısııa basqarmasynyń azamattyq jáne qyzmettik qarý aınalymyn baqylaý toby ǵalamtordaǵy jarnamalardy taldaý kezinde Atyraý qalasynda ornalasqan ańshylar men balyqshylar dúkeninde elektroshokerdi zańsyz satý deregin anyqtady. Zańsyz satylymnan 20 dana elektroshoker tárkilendi», dep habarlady departamenttiń baspasóz qyzmeti.
Endi zańdy tulǵa QR Ákimshilik quqyqbuzýshylyq týraly Kodeksiniń 482-babymen jaýapkershilikke tartylmaq.