«Qazaqstan ǵarysh sapary» UK» AQ-tyń túsirilimderimen Atyraý oblysynda 130 qoqys úıindisi anyqtalyp otyr. Onyń 128-i Atyraý qalasynda, ekeýi Mahambet aýdanynyń aýmaǵynda ornalasqan.
«Osyǵan baılanysty ǵaryshtan monıtorıngileý nátıjesinde, anyqtalǵan qoqys qaldyǵynyń ornyn joıý úshin arnaıy keste jasaqtaldy. Atalǵan kestege sáıkes ruqsatsyz qoqys úıindilerin joıýǵa bir aı merzim belgilendi», dep habarlady departamenttiń baspasóz qyzmeti.
Departament mamandary qalalyq ákimdik, polısııa ókilderimen birge turmystyq qaldyqtardy tastaǵandardy anyqtaý maqsatynda reıd ótkizdi. Is-shara kezinde Atyraý qalasynyń Jumysker shaǵyn aýdanynda ruqsat berilmegen qoqys oryndaryna baqylaý júrgizilip, turǵyndarǵa túsindirý jumysy júrgizildi.
Sondaı-aq qorshaǵan ortaǵa nemquraıdy qaraý derekteri Qurmanǵazy aýdanynda da kezdesip otyr. Máselen, №7 ótkel tusynda STA Profit Group JShS tastap ketken jer ýchaskesinde ornalasqan munaı qaldyqtary anyqtaldy. Al Qurmanǵazy aýylynda turmystyq qatty qaldyqtar jınaıtyn, sarqyndy sýlar tógiletin býlaný alańdar qorshalmaǵan. Qoqys alańyna jaıylǵan mal oǵan erkin kiredi. Mal ólekseleri arnaıy alańnyń syrtyna tastalǵan.
Atyraý oblysy