31 maýsymda Ispanııada veloshabandozdardyń «San-Sebastıan klassıkasy» dep atalatyn birkúndik jarysy ótedi. Oǵan birqatar memleketterden kelgen myqty sportshylar qatysady dep kútilýde, dep jazady Egemen.kz.
Aıtýly dodanyń tusaýy 1981 jyly kesildi. Sol aralyqta eń mol oljaǵa kenelgen jergilikti órender. Pıreneı túbeginiń túlekteri óz elinde 12 márte top jarsa, ıtalııalyqtar 8 ret teńdessiz dep tanyldy. Sondaı-aq, Fransııa pen Nıderlandtyń da ókilderiniń de qanjyǵasy maılandy.
Qazaqstannyń veloshabandozdary eki ret jeńis tuǵyryna kóterilgen eken. 2006 jyly Andreı Kashechkın úshinshi oryn alsa, 2010 jyly Aleksandr Vınokýrov ekinshi satyǵa jaıǵasty. Jerlesimiz tek bul kúnderi «Astananyń» sapynda óner kórsetip júrgen ıspanııalyq Lýıs Leon Sanchesten ǵana qalyp qoıdy.
Eń sońǵy jarys osydan eki jyl buryn ótti. Ol básekede belgııalyq Remko Evenepýl aldyna jan salmasa, ekinshi oryndy onyń otandasy Greg Van Avermat ıelendi. Úshinshi satyǵa shveısarııalyq Mark Hırshı taban tiredi.
Bıylǵy «San-Sebastıan klassıkasynda» Gorka Isagırre, Evgenıı Fedorov, Haver Romo, Iýrıı Matarov, Lýıs Leon Sanches, Oskar Rodrıges, jáne Nıkıta Stalnov syndy saıypqyrandar «Astana» klýbynyń namysyn qorǵaıdy.