N.Tilendıev atyndaǵy kishi óner akademııasynyń 11-synyp oqýshysy Aslan Tilesov órt sóndirýshilerge arnalǵan mobıldik qosymsha oılap tapty, dep jazady Egemen.kz.
Aslan Tilesov jaqynda №1 órt sóndirý bólimshesinde «QazHydrant» dep atalatyn jańa mobıldik qosymshasyn tanystyrdy.
«Men IT-tehnologııanyń erekshelikterin 8-synyptan beri zerttep kelemin. Bul jobany órt sóndirý qyzmetin ońtaılandyrýǵa úshin daıyndadym. Atalǵan qosymshany daıyndaýǵa «Bilim-ınnovasııa» lıseıindegi zamandastarym Ábdikerim Nodıarov pen Ádiljan Salpekov kómek berdi. Qosymshany daıyndaýdaǵy maqsatym – órt sóndirýshilerdiń qyzmetin jedeldetýge qol ushyn sozý. О́ıtkeni, órt sóndirý kezinde tótenshelikter gıdranttardy taba almaı, ábigerge túsedi. Ásirese, túngi mezgilde tabý qıyndaıdy» deıdi jańa qosymshanyń avtory Aslan Tilesov.
Oqýshynyń aıtýynsha, Google kartasynan Atyraý qalasyndaǵy barlyq gıdranttyń qaı jerde ornalasqanyn navıgasııalyq júıemen anyqtaýǵa múmkindik bar. Sol sebepten, órt sóndirýshiler mobıldik qosymshaǵa qyzyǵýshylyq tanytyp otyr.
«Qosymshanyń áli de jetildiretin tusy bar. Degenmen, jaqynda jobany tolyqtyryp, iske qosý joldary qarastyrylady. Buǵan qosa, AstanaHub uıymdastyrǵan Smart City Accelerator (aqyldy qala) baıqaýyna qatysyp, I kezeńiniń irikteýinen óttim», deıdi Aslan Tilesov.