Monıtorıngtik sharalardy shıratpasa bolmaıdy

Aımaq basshysy óńirde vırýstyń tirkelýi táýligine 100-den asyp otyrǵanyn aıtyp, saqtyq sharalaryn qatań­datýdy tapsyrdy.

– Respýblıkanyń ózge aımaqtary sekildi bizdiń oblysta da «Delta», «Delta plıýs» shtamdary tirkelip, jedel tarap otyrǵanyn kórip otyrmyz. Jaǵdaı óte aýyr. Byltyr dál osy ýaqytta oblysymyzda koronavırýs ınfeksııasynan ólim-jitim kóp bolǵany belgili. Endi bıyl ár jerde jyldyq astar ótkizý jıilep otyrǵany jóninde má­limetter túsip jatyr. Toı ót­kizetinder de tolastar emes. Kúni keshe ǵana Qyzylorda qa­la­synda ornalasqan eki meıramhanada otbasylyq sharalar uıymdastyrylǵan. Biraq bul monıtorıngtik toptardyń nazarynan tys qalyp otyr. Dál osyndaı jaǵdaı aýdandarda da kezdesýde. Sondyq­tan monıtorıngtik toptardyń jumysyn shıratqan jón, – dedi oblys ákimi.

Oblystaǵy epıdemııa­lyq jaǵdaı týraly baıan­da­ma ja­saǵan Sanıtarlyq-epı­de­mııalyq qadaǵalaý de­par­tamentiniń basshysy Dı­nara Jańabergenova naýryz aıyndaǵy merekelik kúnder­den keıin aýrý sanynyń kúrt kóbe­ıip ketkenin aıtyp ótti. Departament basshysynyń aıtýynsha, ujymdyq vaksına alǵandar arasynda aýrýshańdyq deńgeıi tómendep kele jatyr. Al oblys ortalyǵynda in­det juqtyrǵandardyń kúrt kó­beıýine baılanysty Qyzyl­or­da qalasy úshin jańa qaýly qabyl­danyp, kúsheıtilgen saq­tyq sharalary engizilip otyr.

Shtab otyrysynda oblys­tyq polısııa departamenti­niń bastyǵy Bektóre Sultan óńir­degi monıtorıngtik top­tardyń jumysyn kúsheıtý ba­ǵytyndaǵy usynysyn aıt­sa, oblystyq densaýlyq saq­taý basqarmasynyń basshy­­sy Sábıt Pazylov aýrý­ha­na­lar­daǵy tósektik oryndarmen qamtý jáne jappaı vaksınalaý ju­mystary barysyn baıan­dady.

Júktemeniń artýyna baılanysty ınfeksııalyq tósektik oryndar sany 3 esege ulǵaıyp, 1 820-ǵa jetken. Qajetilikke qaraı ınfeksııalyq jáne provızorlyq stasıonarlarda tósektik oryndy 3 200-ge deıin kóbeıtýge múmkindik bar. Úı jaǵdaıynda em alatyn azamattar úshin 138 dárigerlik mobıldik top qurylǵan. Top quramyndaǵy dárigerlerdiń naýqastarǵa shuǵyl túrde jetýi úshin oblys ákimdigi men qala ákimdigi tarapynan qosymsha kólikter qarastyryldy. Ob­lysta vaksına salynýǵa tıis 401 myń turǵynnyń 53,2 pa­ıyzy ekpe alǵan.

– Kúndelikti 150-160-qa jýyq indet tirkelip, 100-ge jýyq naý­qas stasıonarǵa em alýǵa jat­qyzylýda. Bul, árı­ne, sta­sıonar júktemesiniń artýy­na ákelip soǵady. Aýyr jaǵ­­daı­daǵy naýqastardyń kó­beı­­geni de bizdi alańdatyp otyr, – dedi basqarma basshysy.

Jıynda Gúlshara Ábdi­qalyqova kerekti dárilerdiń aýyldar men qala shetindegi dárihanalarǵa ýaqtyly jáne qajetti mólsherde turaqty túrde jetkizilýin qadaǵalaý­dy tapsyrdy. Otyrysta ob­lystyq kásipkerlik jáne týrızm basqarmasy basshy­sy Ferdoýsı Qojabergenov Ashyq jobasyna kásipkerlerdiń qatysýy týraly baıandady. Búginde óńirdegi 252 nysan Ashyq-qa engen.

Oblys ákimi qoǵamdyq ta­maqtaný men servıstik qyz­met oryndarynda qaýipsizdikti saqtaý úshin kásipkerlik nysandar Ashyq jobasyna belsene qatysýy qajettigin eske salyp, bul baǵytta tıisti sala basshylaryna jumysty qysqa merzim ishinde úılestirýdi júktedi.

Jıyn sońynda aımaq basshysy oblystyq sanıtar­lyq-epıdemııalyq baqylaý departamentine naýqastar­men qarym-qatynasta bolǵan tur­ǵyn­dardy shuǵyl túrde anyq­tap, aýrýdyń taralýyna jol ber­meýdi, polı­sııa depar­­ta­menti, Qyzyl­or­da qala­sy jáne aýdan ákim­dikterimen bir­­­lesip, kúndelikti monı­to­rıng toptarynyń jumy­syn kú­­sheı­týdi mindettedi.

– Qazirgi tańda vaksına­laý máselesine basty nazar aýdarylýy tıis, óıtkeni aýrý­­­dy juq­tyrmaýdyń bu­dan basqa joly joq. Munan bó­lek, tósektik orynmen qam­tý men jansaqtaý bólim­deri­­niń daıyn­dyǵy da asa ma­­ńyz­dy. Sondaı-aq úıde em­de­lip jat­qan naýqas­tar­dyń to­­lyq­­qan­dy em alýyn qam­­­ta­ma­syz etý qajet. Jaǵ­da­ıyn ýshyq­tyryp almas úshin olar­­dyń jaǵ­daıyn kún­delikti qa­da­­­ǵa­laýdy tapsyramyn. Bar­­lyq jumys uıymdasqan túrde júr­­gizilip, turaqty baqy­laý­da bolsyn, – dedi oblys ákimi.

Qyzylorda